Болалар ва ўсмирлар спорт мактаблари ходимларини қайта тайёрлаш маркази ташкил этилди

Ўзбекистон Республикаси Вазирлар Маҳкамасининг 13 февралдаги қарорига биноан Халқ таълими вазирлиги ҳузурида Болалар ва ўсмирлар спорт мактаблари ходимларини қайта тайёрлаш ва малакасини ошириш маркази ташкил этилди, деб хабар бермоқда «Gazeta.uz».

Марказ болалар ва ўсмирлар спорт мактаблари қайси муассасага бўйсунишидан қатъи назар, уларнинг раҳбар кадрлари, инструктор-методистлари ва мураббий-ўқитувчилар таркибини қайта тайёрлаш ва малакасини ошириш билан шуғулланади.

Марказни ташкил этиш мақсадларидан бири сифатида болалар ва ўсмирлар спорт мактаблари ходимларини қайта тайёрлаш ва малакасини оширишнинг ташкилий асосларини бутунлай қайта кўриб чиқиш ва такомиллаштириш кўрсатилган.