Қозоғистон шимолидаги аварияда уч нафар ўзбекистонлик ҳалок бўлди

Қозоғистон шимолидаги Қўстанай вилоятида содир бўлган йўл-транспорт ҳодисасида тўрт киши ҳалок бўлди ва уч киши жароҳат олди, деб хабар бермоқда «Newskaz.ru».

Қўстанай вилояти Фавқулодда вазиятлар департаменти хабарига кўра, авария Қўстанай − Карабутак трассасининг 146-километрида содир бўлган. «Hyundai Solaris автомобилини рулида бўлган Ўзбекистон фуқароси бошқарувни йўқотиб, қарама-қарши йўналишга ўтиб кетган ва Daimler-Benz автомобили билан тўқнашган», − дейилади хабарда.

Тўқнашув оқибатида Hyundai Solaris салонида бўлган уч нафар Ўзбекистон фуқароси ва 1 нафар Қозоғистон фуқароси воқеа жойида ҳалок бўлган. Яна бир ўзбекистонлик оғир аҳволда шифохонага ётқизилган. Шунингдек, Daimler-Benz ҳайдовчиси ва йўловчиси ҳам жароҳат олган.