АҚШда нефть ташиётган поезддаги ёнғин туфайли иккита шаҳарни эвакуация қилишга тўғри келди

АҚШнинг Чарлтон шаҳридан 50 километр жануби-шарқда нефть ташиётган поезд рельсдан чиқиб кетиши оқибатида иккита вагон Канова дарёсига қулаб тушган, яна 14 таси ёниб кетиши оқибатида эса яқин орадаги уйлардан бирида ёнғин келиб чиққан, деб хабар бермоқда «Сегодня.ua».

Қурбонлар ва жароҳатланганлар бўлмаган. Ёнғин туфайли ва у тарқалиб кетиши хавфи борлигидан икки километр радиусдаги ҳудуд ўраб олинган. Ушбу ҳудудда жойлашган Виллиж ва Бумер-Воттом шаҳарлари аҳолиси эвакуация қилинган.

Авария оқибатларини бартараф этиш бўйича ишларни совуқ об-ҳаво янада қийинлаштирмоқда. Ҳозирча етказилган зарар ҳисоблаб чиқилмаган.