Америка телеканали Обамани зўравон билан адаштириб юборди (видео)

Американинг Fox 5 San Diego телеканали ўз янгиликлар сюжетида тасодифан АҚШ президенти Барак Обаманинг фотосуратини кўрсатди, дея хабар бермоқда «Сегодня.ua».

13 февраль, жума куни бошловчи тўғридан-тўғри эфирда бир қизнинг зўрлангани ҳақида хабар берди. Гап бунда гумон қилинаётган ягона шахс ҳақида борганида кадрда Обаманинг сурати ва «Ҳеч қандай айблов қўйилмади» ёзуви пайдо бўлди.

Янгиликлар муҳаррири Майк Вилле ўз ходимларининг хатоликка йўл қўйганини тан олди. «Буни атайлабдан қилишмаган», — деди у.

Вилленинг таъкидлашича, янгиликлар вақтида ҳам, ундан кейин ҳам телестудияга ҳеч ким шикоят билан мурожаат қилмаган.