Samsung ўз телевизорлари жосуслик қилмаслигини маълум қилди

Samsung компанияси ўзининг Smart TV ақлли телевизорлари ўз эгаларининг суҳбатларини эшитиши ҳақидаги хабарларни расман рад этди, деб хабар бермоқда «Российская газета».

Аввалроқ, компаниянинг ўзи ақлли телевизорлар овоз таниш функцияси ёқилганда шахсий маълумотларни ҳам ёзиб олиб, учинчи ташкилотларга жўнатиши мумкинлгини маълум қилган эди. Шундан кейин телевизорнинг жосуслиги ҳақида хабарлар тарқалган.

Samsung’нинг аниқлик киритишича, телевизор ва пультга ўрнатилган микрофонлар фақатгина овозли бошқарувни таъминлаш учун ишлатилади, буни такомиллаштириш мақсадида буйруқлар ёзуви компанияга жўнатилиши мумкин. Ушбу функцияни исталган вақтда ўчириб қўйиш мумкин.