Минск музокаралари: Меркелнинг телефонида қувват қолмади, Путин қўнғироқ қилгани ташқарига чиқди

Минскда Германия канцлери Ангела Меркель, Франция президенти Франсуа Олланд, Россия президенти Владимир Путин ва Украина президенти Пётр Порошенко иштирокида «норманд тўртлиги» музокаралари 12 соатдан буён давом этмоқда, деб хабар берди «Segodnya.ua».

«Ўн соат давомида томонлар бир неча маротаба музокаралар хонасидан ташқарига чиқди. Меркелнинг телефонида қувват қолмади − уни ёрдамчиларига зарядлантириш учун берди. Лавров чекишга чиқди. Путин қўлида ҳужжатлар билан чиқди ва кимгадир қўнғироқ қилди. Ҳозир иккита ҳужжат ҳақида гап кетаётгани маълум. Баъзи бандлар устида келишувга эришилган», − деди украиналик журналист Ирина Герасимова.

Украинадаги вазият бўйича катта бурилиш ясаши кутилаётган ушбу музокаралар ҳалигача давом этмоқда.