Ўзбекистон терма жамоаси дарвозабони Игнатий Нестеров жароҳатини Германияда даволатади

«Локомотив» ва Ўзбекистон миллий терма жамоаси дарвозабони Игнатий Нестеров жароҳатини даволатиш мақсадида Германияга йўл олиши маълум бўлди, деб хабар бермоқда «Uff.uz».

Нестеров Туркияда ўтказилаётган ўқув-йиғин машғулотлари чоғида жароҳат олганди. У шифокорларга эски жароҳатидан шикоят қилиб, мурожаат қилган.

Кейинроқ маълум бўлишича, Нестеровнинг чап тиззасидаги тўқималари узилган ва дарвозабон анча муддатгача майдонга туша олмаслиги аниқланган.

Жамоа шифокорлари дастлабки тиббий кўрикдан сўнг, Нестеровга жарроҳлик амалиётини Германияда ўтказишни тавсия қилди.