Қрим ва Севастополни Украина ССРга бериш тўғрисидаги 1954 йилги қарорни ноқонуний деб топиш тўғрисидаги қонун Федерация Кенгаши томонидан баҳорги сессияда қабул қилинади. Бу ҳақда Россия парламентининг юқори палатаси спикери Валентина Матвиенко маълум қилди, деб хабар бермоқда «РБК».
«Бу қонун тарихий ва юридик адолатнинг тикланиши бўлади. Биз уни ишлаб чиқдик, ҳозирдда юридик экспертизадан ўтмоқда. Биз уни баҳорги сессияда қабул қилишни мўлжаллаяпмиз», − деди Матвиенко.
Унинг сўзларига кўра, бу қонуннинг ҳеч қандай юридик оқибати бўлмайди, юқори палата шунчаки Қрим ва Севастополга нисбатан адолатсизликни тарихий факт сифатида қайд этиб қўймоқчи.
Изоҳ (0)