«Ўзбекистон темир йўллари» ДАТЙК 2016 йилда Тошкент ва Бухорони боғловчи юқори тезликдаги темир йўл қатновини ишга туширишни режалаштирмоқда, дея хабар берди UzDaily компания бош менежери Шерзод Исматуллаевга таяниб. Қатновнинг ишга тушиши натижасида йўлга кетадиган вақт икки баробар қисқаради.
Унинг таъкидлашича, компания 2015—2016 йилларда Самарқанд—Бухоро темир йўли участкасини электрлаштириш бўйича лойиҳани амалга оширади, бу Тошкент ва Бухоро ўртасидаги юқори тезликли темир йўл қатновини ташкиллаштириш имконини беради.
Лойиҳани амалга ошириш учун 400 миллион доллар миқдорида маблағ ажратилган, молиялаштириш манбалари 100 фоиз аниқланган.
Изоҳ (0)