Instagram ижтимоий тармоғида Муниса Ризаеванинг оппоқ келинлик либосида тушган фотосуратларини кўрганлар дарҳол табриклашга тушди, дея хабар бермоқда «Popcorn.uz».
«Мунисанинг тўйи бўлибди», — деб ўйлаб, айримлар унга бахт тилади, баъзи ашаддий мухлисларнинг жаҳли ҳам чиқди, деб ёзади нашр. Яна кимдир бу гапларга ишонмай, «кинога ёки клипга суратга тушаётган бўлса керак», деган фикрларни ҳам билдирди.
Нашр Муниса Ризаева билан боғланиб, ана шу мавзуга ойдинлик киритганида, бу фақатгина навбатдаги фотосессия эканлиги маълум бўлди.
«Шадози» тўй либослари салони томонидан билдирилган таклифни қабул қилиб, салоннинг «юзи»га айланган Мунисани, эндиликда ана шу салоннинг шаҳар бўйлаб жойлаштирилган барча реклама баннерларида кўришингиз мумкин бўлади, дея қайд этди нашр.
Изоҳ (0)