«Кортеж» лойиҳаси доирасида Россия президентининг лимузини ҳамда седан, микроавтобус ва йўлтанламас машинани ўз ичига олувчи ҳамроҳ автомобиллар гуруҳининг эскиз ва техник лойиҳаларини ишлаб чиқиш якунланди, деб хабар бермоқда «Hi-tech.Mail.ru».
Алексей Боровковнинг сўзларига кўра, президент лимузини 2017 йил охирида ёки 2018 йил бошида тайёр бўлиши кўзда тутилган. Бу энг катта, оғир (6 тонна), бироқ ҳаракатчан ва ўта қудратли, 800 от кучили двигателга эга премиум-класс автомобиль, энг асосийси − дунёдаги энг хавфсиз автомобиль бўлади.
Автомобилларни ишлаб чиқаришда янги технолгоиялардан фойдаланиш орқали баъзи деталлар 2−2,5 мартагача енгиллашади. Жумладан, баъзи қисмлар 3D-принтер орқали чоп этилади. Кейинчалик бундай автомобилларнинг соддалаштирилган вариантини серияли ишлаб чиқариш ҳам режалаштирилган.
Изоҳ (0)