Ўзбекистонлик боксчи Аҳрор Муралимовнинг 31 январга белгиланган жанги кечиктирилди

«31 январь куни профессионал рингдаги 17-жангимни ўтказишни режалаштиргандим. Лекин ҳозиргача музокара олиб борган рақиб боксчилар билан бир тўхтамга кела олмадик. Яқин кунларда янгилик бўлиб қолиши керак», − деди Муралимов «Olamsport»га берган интервьюсида.

Эслатиб ўтамиз, Аҳрор Муралимов шу кунгача ўтказган барча 16 та жангида ғалаба қозонган. Муддатидан аввал нокаут билан қозонган ғалабалари сони 13 тани ташкил этмоқда. Ҳамюртимиз бир неча йилдан бери яна бир боксчимиз Баҳодир Мамажонов билан бирга АҚШнинг Хьюстон шаҳрида мураббий Кен Ричардсон қўл остида шуғулланиб, ўз жангларини ўтказиб келяпти.