2015 йилнинг 24 январь куни Алоқа, ахборотлаштириш ва телекоммуникация технологиялари давлат қўмитаси Ҳайъатининг 2014 йилда ахборот-коммуникация технологияларини жорий қилиш бўйича амалга оширилган ишлар сарҳисоби, истиқболдаги вазифаларга бағишланган мажлиси бўлиб ўтди. Бу ҳақда Қўмитанинг ахборот хизмати хабар бермоқда.
Мажлисда қайд этилганидек, давлат раҳбарининг «Хитой Халқ Республикаси Давлат тараққиёт банки иштирокида Ўзбекистон Республикаси телекоммуникациялар тармоғини модернизация қилиш ва инвестицион лойиҳаларни амалга ошириш чора-тадбирлари тўғрисида»ги қарорига кўра телекоммуникация инфратузилмасини ривожлантириш бўйича 117,6 миллион АҚШ долларига тенг (шу жумладан, Хитой Давлат тараққиёт банки томонидан ажратилган 100 миллион АҚШ долларидаги кредит воситалари ҳисобига) лойиҳалар амалга оширилмоқда. Ушбу йирик лойиҳалар магистрал маълумотлар узатиш тармоқлари имкониятини кенгайтиришга қаратилади: халқаро йўналишда — 10 баробарга (100 Гбит/с гача), вилоятлар марказларида — 4 баробар (40 Гбит/с гача) ва туманлар марказларида — 10 баробар (10 Гбит/с.гача).
Мазкур қарорга мувофиқ, FTTx технологияси асосида оптик алоқа линияларини кенгайтириш, абонент линияларини модернизация қилиш, Тошкент шаҳрида 69 120 дона кенг полосали интернет портларига хизмат кўрсатувчи маълумотлар алмашиш ускунасини ўрнатиш учун 6,9 миллион АҚШ доллари миқдоридаги маблағ ажратиш кўзда тутилган.
Изоҳ (0)