Пенальтилар сериясида Японияни мағлуб этган БАА Осиё Кубоги ярим финалига чиқди

Осиё Кубоги чорак финалининг сўнгги ўйини бўлган Япония — БАА учрашуви ўз ниҳоясига етди, деб хабар беради «Uff.uz».

Учрашувнинг асосий вақтида 1:1 ҳисобидаги дуранг қайд этилди. Пенальтилар сериясида эса БААга омад кулиб боқди.

Япониянинг икки етакчи футболчиси — «Милан» сафида тўп сурадиган Хонда ва «Боруссия» аъзоси Синдзи Кагава пенальтини аниқ бажара олмади. Учрашув давомида рақиб дарвозасига бор-йўғи 3 та аниқ зарба берган БАА термаси эндиликда ярим финалда Австралия термасига қарши майдонга тушади.

Япония — БАА: 1:1 (пенальти бўйича 4:5)

Голлар: 0:1 — 7 Мабхут, 1:1 — 81 Сибасаки.

Япония: Кавасима, Сакаи, Морисиге, Нагатомо, Ёсида, Инуи (Муто, 46), Эндо (Сибасаки, 54), Хасебе, Кагава, Хонда, Окадзаки (Тоёда, 65).

БАА: Носир, Санкур, Хуссаин (Аҳмад, 76), Салим, Аҳмад, Абдурраҳмон, Абдурраҳмон (Ҳассан, 54), Исмоил, Халил (Фардан, 58), Мабхут, Ал-Хаммади.

Огоҳлантиришлар: Ал-Хаммади (26), Исмаил (45), Аҳмад (116), Абдурраҳмон (119).