Бугун,

  • USD 11095.31
  • RUB 173.84
  • EUR 10772.44

Қашқадарё вилоятида бунёдкорлик ишлари кўламини кенгайтириш, туризмни ривожлантириш, маданий мерос объектларини асраб-авайлаш масалаларига алоҳида эътибор қаратилмоқда. Бу ҳақда Ўзбекистон Миллий ахборот агентлиги хабар бермоқда.

Қашқадарё вилояти. Фото: ЎзА

Қашқадарё вилояти. Фото: ЎзА

«Вилоятимиз ҳудудида 1000 га яқин маданий мерос объекти мавжуд. Унинг 160 дан ортиғи архитектура иншооти, 690 га яқини археологик ёдгорлик, 61 таси қадимий санъат обидаси, қолгани зиёратгоҳлардир, — деди Қашқадарё вилояти маданий мерос объектларини муҳофаза қилиш ва улардан фойдаланиш давлат инспексияси бошлиғи Жаҳонгир Халилов. — Айни вақтга қадар Қарши шаҳридаги Абу Убайда ибн ал-Жарроҳ зиёратгоҳида олиб борилган бунёдкорлик ишлари якунига етди».

Шаҳрисабз туманидаги Чубин ва Абдушукур Оғолиқ мадрасаларида «Ижод» хусусий корхонасининг усталари реставрация ишларини амалга оширмоқда.

Туризмни ривожлантириш дастури доирасида Қарши туманидаги Имом Мўийн ан-Насафий ва Хўжа Шамсиддин Ҳалвоний зиёратгоҳларида ҳам кенг кўламли бунёдкорлик ишлари олиб борилди.

«Айни пайтга қадар зиёратгоҳнинг хилхона, духтархона (хотин-қизларни ўқитишга мўлжалланган кичик мадраса), чор эшик ва бошқа ҳужраларида қурилиш ишлари амалга оширилди, — деди Имом Мўийн ан-Насафий зиёратгоҳи масъули Шавкат Каримов. — Бунёдкорлик ишларини февраль ойидан давом эттириш мўлжалланмоқда».

Бугунги кунда Шаҳрисабз, Касби, Яккабоғ, Чироқчи туманларидаги Оқсарой, Дорут-тиловат, Султон Мир Ҳайдар мажмуалари, «Коба» карвонсаройи, Ёдгор Валлома мадрасаси, Катта Лангар ота масжиди ва бошқа объектларда ҳам қурилиш-таъмирлаш ишлари олиб борилмоқда.

Изоҳ
Асосий янгиликлар
Дунё
Эрдўғон расман Туркия президенти этиб қайта сайланди
Маҳаллий
Ўзбекистонда 29 май куни 39 даражагача иссиқ бўлади
Шоу-бизнес
“Хитойдан ўлигим қайтади деб қўрққанман”. Уч хил овозда гапира оладиган халқаро цирк устаси, вайнер Шерзод Мамадалиев билан суҳбат (видео)