«Ўзбекистон ҳаво йўллари» миллий авиакомпанияси «Тошкент – Токио – Тошкент» йўналиши бўйлаб 2015 йилнинг 4, 11 ва 18 февралга мўлжалланган рейсларни бекор қилди, деб хабар бермоқда «Ўзбектуризм» миллий компанияси расмий сайти.
Ушбу қарор «Тошкент – Токио – Тошкент» йўналиши бўйича рейслар тижорий жиҳатдан қониқарли тўлмагани туфайли қабул қилинган.
Бекор қилинган рейслар учун чипта сотиб олган йўловчилар «Ўзбекистон ҳаво йўллари» миллий авиакомпанияси Марказий авиакассасига телефон ёки электрон почта орқали мурожаат қилишлари мумкин.