Ўзбек, рус ва инглиз тиллари асосида ишлайдиган «e-Lug‘at» дастури ишлаб чиқилди

Мутахассислар ЭҲМ ва мобил телефонларга ўрнатиб ишлашга мўлжалланган  «e-Lug‘at» электрон луғат  дастурини ишлаб чиқдилар, деб хабар бермоқда Ўзбекистон Республикаси интеллектуал мулк агентлиги.

«e-Lug‘at» электрон луғат дастури 3 тил – ўзбек, рус ва инглиз тиллари асосида ишлайди. Сўзларнинг таржимаси 6 та йўналишда амалга оширилади: ўзбек-инглиз; инглиз-ўзбек; ўзбек-рус; рус-ўзбек; инглиз-рус; рус-инглиз.

Электрон луғатнинг базаси 145 000 та сўздан ташкил топган. Барча сўзларнинг таржимаси мисоллар орқали кўрсатилган. Ушбу дастурий маҳсулот учун Зияматов Мохир Гафурович ва Карабаев Акбар Анвар ўғли № ДГУ 02838 рақамли гувоҳнома олдилар.