Қашқадарё вилоятидаги 670 гектар экин майдонининг мелиоратив ҳолатини яхшилаш учун 504 миллион сўм ажратилди

Қашқадарё вилояти Қамаши туманидаги «Қиллисой» коллектори ва «Қўнғир» насос станциясида амалга оширилган реконструкция ишларидан сўнг кучли шўрланган ҳамда сизот сувлари кўтарилган 670 гектар экин майдонининг мелиоратив ҳолати яхшиланадиган бўлди. Бу ҳақда «Халқ сўзи» газетаси хабар бермоқда.

Сув ресурсларидан самарали фойдаланишга қаратилган ҳудудий дастурга асосан рўёбга чиқарилган ушбу лойиҳа учун 504 миллион сўм ажратилди.

Таъкидлаш керакки, 2014 йилда вилоятдаги 19 та ирригация ва мелиорация иншоотида 28 миллиард 300 миллион сўмликдан ортиқ реконструкция ҳамда қурилиш ишлари бажарилган эди.