Австриянинг FlyNiki авиакомпанияси Венадан Братиславага учадиган 10 дақиқалик авиапарвоз йўналишини очади, дея хабар бермоқда Daily Telegraph.
Ушбу йўналиш бўйича илк парвоз 2 апрель куни амалга оширилиши режалаштирилган. Рейс учун чипталарни FlyNiki авиаташувчи сайтида 29 евродан харид қилиш мумкин.
Австрия ва Словакия пойтахтлари орасидаги масофа қарийб 80 километрни ташкил этади.
Дунёдаги энг қисқа авиарейс Буюк Британия шимолидаги Вестрей ва Папа Вестрей оролларини боғловчи йўналишдир, у 47 сония вақт олади.
Изоҳ (0)