Россиянинг Москва шаҳрида шахмат бўйича Т.В. Петросян хотирасига бағишланган XXIХ турнир давом этмоқда. Унда ўсмирлар ва қизлар “A” ва «В» гуруҳларида дона суришяпти. Бу ҳақда «Olamsport» хабар берди.
64 нафар шахматчи иштирок этаётган “A” гуруҳида ҳамюртимиз мактаб ўқувчилари ўртасида 2014 йилги жаҳон чемпиони Жавоҳир Синдоров (2111) ҳам ўз имкониятини синовдан ўтказмоқда.
6-тур учрашувида Жавоҳир Синдоров ўзи сингари 3 очкога эга бўлиб турган туркиялик Улкер Толга (1793) билан ҳисоб-китоб қилади. Жавоҳир оқ доналарда ҳаракат қилади. Турнир жадвалида икки нафар россиялик шахматчи – Константин Савенков (2363) ва Иван Елеский (2315) юз фоизлик натижа билан пешқадамлик қилишяпти.
Изоҳ (0)