Бельгия адлия вазири Кун Генс маҳбус Франк ван ден Блекеннинг эвтаназия тўғрисидаги сўрови қондирилмаслигини маълум қилди, деб ёзади «РИА Новости». У зўрлаш ва қотиллик учун Бельгиядаги турмалардан бирида бир умрлик қамоқ жазосини ўтамоқда.
«Шифокорлар Франк ван ден Блекенга нисбатан эвтаназияни амалга ошириш бўйича жараённи давом эттирмасликка қарор қилди», — деди Генс. Бироқ у бунга нима сабаб бўлганига ойдинлик киритмади.
2014 йил сентябрида маҳбус Брюсселдаги апелляция судидан эвтаназия учун рухсат олди. У қилган жиноятлари туфайли руҳий азоблардан қутулиш мақсадида бунга қарор қилганини айтди. 11 январь куни у эвтаназия процедурасидан ўтиши режалаштирилган эди. Эвтаназияга рухсат олгани ҳақида маълум бўлгач, мамлакатдаги яна 15 нафар маҳбус ҳаётдан ўз хоҳиши билан кетишга истак билдирди.
Изоҳ (0)