Пиротехника воситаларини республика ҳудудига ноқонуний равишда олиб кириш, ташиш, сақлаш, сотиш ва фойдаланишнинг олдини олиш мақсадида Андижон вилояти божхона бошқармаси ходимлари томонидан ҳуқуқни муҳофаза қилувчи бошқа идоралар билан ҳамкорликда доимий чора-тадбирлар олиб борилмоқда, деб хабар беради Андижон вилояти божхона бошқармаси ахборот хизмати.
Жумладан, Андижон аэропортида фаолият юритаётган божхоначилар томонидан Москва — Андижон йўналиши бўйича парвозини якунлаган фуқаронинг қўл юклари божхона кўригидан ўтказилганда, йўловчи божхона декларациясида ва божхоначиларнинг оғзаки сўрови пайтида қайд қилинмаган икки турдаги 56 дона пиротехника воситасини олиб киришга урингани фош қилинди.
Марҳамат туманининг қўшни давлат билан чегарадош ҳудудида қаровсиз қолдирилган юклар ҳуқуқни муҳофаза қилувчи идоралар ходимлари томонидан холислар иштирокида ва амалдаги тартибларга мувофиқ кўздан кечирилганда, бу Ўзбекистон ҳудудига яширинча олиб киришга мўлжалланган 23 дона банкага жойлаштирилган пиротехника воситалари бўлиб чиқди.
Ҳозирда ушбу ҳолатлар юзасидан божхона текширувлари ва суриштирув ҳаракатлари давом эттирилмоқда.
Изоҳ (0)