Самарқанд иқтисодиёт ва сервис институти мутахассислари мантиқий фикрлашни ривожлантиришга мўлжалланган компьютер ўйинини яратди
Самарқанд иқтисодиёт ва сервис институти мутахассислари янги «Шеш Беш» компьютер ўйинлари дастурини ишлаб чиқдилар. Бу ҳақда Ўзбекистон республикаси Интеллектуал мулк агентлиги маълум қилди.
Дастур мантиқий фикр юритишни ривожлантириш учун мўлжалланган бўлиб, миллий услубда ташкил қилинган, қадимги миллий ёдгорликларни махсус лавҳалари кўринишини таъминлайди ва Шарқ рекламаси дастури сифатида кўриш имконини беради. Унда ҳар хил турдаги ўйинлар, шу билан бирга тармоқ бўйича уланиш муҳитини танлашни назарда тутади.
Дастур пухта синовдан ўтган, ишлатишда ишончли, қулай график меню билан таъминланган ва фойдаланувчидан дастурлаш соҳасида махсус билимларни талаб қилмайди. Шу билан бирга ўйиннинг статистикаси олиб борилади, ўйинни ҳар қандай нуқтада тўхтатиш ва тўхтаган нуқтадан яна давом эттириш имкониятини беради. Ушбу дастур аҳолининг кенг қатлами бўш вақтини унумли ташкил қилишга мўлжалланган.
Муаллифлар − Зайналов Нодир Расулович, Абдуллаев Сардор Шавкатович, Фармонов Мурод Кулмаматович, Зайналов Нодир Расулович – дастурий маҳсулотга DGU 02785 рақамли гувоҳнома олдилар.
