Сирдарёда қўшнисининг сейфидаги 1,5 минг доллар ва 5 минг рублни ўғирлаган эркак қўлга олинди

Сирдарё вилояти Сайхунобод тумани Ички ишлар бўлимига туман ҳудудида ўғирлик содир этилгани ҳақида хабар келиб тушди. Бу ҳақда «На посту» газетасига асосланиб «Kun.uz» хабар бермоқда.

Маълум бўлишича, туман ҳудудида истиқомат қилувчи аёлнинг уйига номаълум шахс деразадан кириб, ётоқхонадаги сейфдан 3,5 миллион сўм, 1,5 минг АҚШ доллари ва 5 минг Россия рублини ўғирлаб кетган.

Тезкор-қидирув ишлари натижасида аёлнинг уйидан унча узоқ бўлмаган жойда истиқомат қилувчи 22 ёшли эркак ушбу жиноятни содир этганликда гумон қилиниб ҳибсга олинган.

Ҳозирги вақтда ушбу ҳолат юзасидан тергов ишлари давом этмоқда.