Artel компаниясининг янги P1 Mini смартфони 345 минг сўмдан сотила бошланди

Artel компанияси P1 флагман смартфонининг кичиклаштирилган версиясини тақдим этди. Бу ҳақда Mobinfo.uz сайти маълумотига асосланиб «Пароль» нашри хабар берди.

Ушбу смартфон Artel P1 Mini деб номланган ва унда 4 дюйм 800×480 пикселли дисплей, 1,3 ГГц частотага эга икки ядроли процессор, 0,3 мегапикселли олд ва 5 мегапикселли орқа камера, 512 Мб тезкор ва 4 Гб ички хотира (+MicroSD), 1600 мА·соат қувватга эга батарея ўрнатилган. У икки SIM-картали ва Android 4.2 операцион тизимида ишлайди.

Тошкент шаҳридаги «Флешка» савдо мажмуасида Artel P1 Mini смартфонини 345 минг сўмдан харид қилиш мумкин. Эслатиб ўтамиз, ушбу мажмуада Artel P1 флагман смартфони эса 517 минг сўмдан сотилмоқда.

Шунингдек, «Пароль» нашрида қуйидаги мақолаларни ҳам ўқишингиз мумкин:

• Artel компаниясининг янги Neo смартфони 300 минг сўмдан сотила бошланди;
• Марк Цукерберг: «Facebook Dislike — «ёқмади» тугмаси ҳақида бош қотирмоқда»;
• Бир уриниш билан барча сайтлардаги паролларни алмаштириш дастури тақдим этилди.