«Арсенал» бош мураббийининг «Монако» жамоасига рақиблик қилиш орзуси ушалди
15 декабрь куни Европа Чемпионлар лигаси 1/8 финалида куч синашадиган жуфтликлар маълум бўлди, деб хабар беради «Uff.uz».
Қуръа олдидан «Арсенал» бош мураббийи Арсен Венгер «Монако» жамоасига рақиблик қилишни исташини айтган эди. Қизиқ томони, мураббий бу истагига эришди ва плей-оффда «Арсенал» «Монако» билан куч синашадиган бўлди.
Нимчорак финалнинг энг кучли жуфтликлари сифатида эса, шубҳасиз, «ПСЖ» — «Челси» ва «Манчестер Сити» — «Барселона»ни кўрсатиш мумкин. Бу жамоалар ўртасида кечадиган кураш финал олдидан финал мақомига тенглаштирилиши мумкин.
Шунингдек, «Шальке» — «Реал», «Байер» — «Атлетико», «Шахтёр» — «Бавария» ва «Базель» — «Порту» жуфтликлари ҳам мухлислар қизиқишига сабаб бўлиши турган гап.
Энг муҳими шундаки, энди Чемпионлар лигасида шунчаки кечадиган ўйин бўлмайди. Энди ҳамма бир-бирига қарши сўнгги кучи қолгунга қадар курашади.
Қисқаси, «Ювентус» ҳужумчиси Карлос Тевес таъбири билан айтганда, бу ёғига энди ҳақиқий Чемпионлар лигаси бошланади.
1/8 финал жуфтликлари:
- «ПСЖ» — «Челси»
- «Манчестер Сити» — «Барселона»
- «Байер» — «Атлетико»
- «Ювентус» — «Боруссия»
- «Шальке» — «Реал»
- «Шахтёр» — «Бавария»
- «Арсенал» — «Монако»
- «Базель» — «Порту»
