«Ўзбектелеком» провайдерлар учун интернет-хизматлар тарифларини пасайтирди

«Ўзбектелеком» акциядорлик компанияси 2014 йил 4 декабрдан Ўзбекистон провайдерлари учун ташқи канал интернет-хизматлари тарифларини 1 Мбит/с. учун 276,27 долларга пасайтирди, деб хабар бермоқда UzDaily.

Жорий йилда тарифлар бир неча марта пасайтирилди. Жумладан, 1 Мбит/с. учун тариф 4 июндан 306,04 доллар, 4 июлдан 303,51 доллар, 29 августдан 299,22 доллар, 11 сентябрдан эса 286,74 доллар этиб белгиланган.

Эслатиб ўтамиз, 2013 йилда провайдерлар учун интернет-хизматлар тарифлари беш марта пасайган. 2013 йил январда 1 Мбит/с. қиймати 409 долларни ташкил қилган бўлса, декабрда 322 доллар қилиб белгиланган.