Клублар ўртасидаги жаҳон чемпионатида Роналдуни беш нафар тансоқчи қўриқлайди

Марокашда бўлиб ўтаётган Клублар ўртасидаги жаҳон чемпионатида Мадриднинг «Реал» клуби учун 40 нафар тансоқчи ажратилган, деб хабар бермоқда Marocco World News.

Тансоқчиларнинг беш нафари португалиялик ҳужумчи Криштиану Роналдунинг хавфсизлиги учун сафарбар этилади. Қўриқчилар меҳмонхонага бориш ва келиш, машғулотлар, матбуот анжуманлари ва бошқа тадбирлар давомида мадридликлар хавфсизлиги учун жавобгар бўлади.

Бундан ташқари, «Реал» учун Марракешдаги Four Seasons меҳмонхонаси тўлиқ банд қилинган бўлиб, клубнинг ҳар бир аъзоси алоҳида хоналарда истиқомат қилади. «Қироллик клуби» Марокашга 14 декабрь куни етиб бориши кутилмоқда.