Тошкент вилояти Чирчиқ шаҳридаги хонадонлардан бирида ёнғин хавфсизлиги қоидаларига риоя этилмагани сабабли ёнғин содир бўлди, деб хабар бермоқда «Kun.uz».
Ўзбекистон ИИВ матбуот хизмати ахборотида ёнғиннинг айнан қачон содир бўлгани маълум қилинмаган, фақат ҳодиса ўтган ҳафта (3-9 декабрь оралиғида) содир бўлгани билдирилган.
Хабар беришларича, Чирчиқ шаҳрида истиқомат қилувчи аёллардан бири ўз уйида маст ҳолда, сигарета чекиб ухлаб қолиши натижасида ёнғин келиб чиққан.
Ёнғин 4 квадрат-метр майдонни қамраб олган, бунинг натижасида уйдаги ўрин-кўрпа ёнган. «Шунингдек, ёнғин натижасида уй эгасининг куйган ҳолдаги жасади топилган», – дейилади ИИВ хабарида.
Изоҳ (0)