Тошкентда МДҲдаги таълим мавзусида анжуман ўтказилди
Тошкентдаги Россия фан ва маданият марказида «МДҲдаги таълим ва ўсиш истиқболи» мавзусида давра суҳбати ўтказилди, деб хабар бермоқда «Кун» «РИА Новости»га таяниб.
Ушбу анжуман давомида Россия ва Ўзбекистон, шунингдек, МДҲ ва ШҲТ таълим тизимини келгусида янада яқинлаштириш зарурлигига алоҳида урғу берилди. «Бу Евроосиёда интеграцион жараёнларнинг муваффақият қозониши учун энг зарур шартлардан бири саналади», — деб ёзади Россия агентлиги.
«Анжуман қатнашчилари Россия маорифининг хориждаги аҳамияти, шунингдек, хориж фуқароларининг Россия таълим муассасаларига ўқишга қабул қилиниши муҳим эканлигини таъкидлади», — дейилади «РИА Новости» ахборотида.
Давра суҳбатида Тошкентдаги таълим ва илмий муассасалар, жамоат ташкилотлари, Ўзбекистон ОАВлари қатнашди.
