Apple компанияси кейинги йилда 4 дюйм дисплейли смартфон тақдим этиши мумкин

Apple компанияси жорий йилнинг сентябрида iPhone 6 смартфонларини тақдим этган эди. Улар 4,7 ва 5,5 дюйм ўлчамда бўлиб, бундан аввал тақдим этилган исталган Apple смартфонларидан сезиларли даражада катта ҳисобланади.

Phonearena.com сайтининг Apple ҳамкорлари томонидан тарқатилган маълумотларга асосланиб хабар беришича, компания кейинги йилда ҳозиргидан кичикроқ — 4 дюйм дисплейли смартфон тақдим этиши мумкин. Бу эса 2015 йилнинг иккинчи ярмига тўғри келади.

Тахмин қилиш мумкинки, Apple кейинги йилда iPhone 6s ва iPhone 6s Plus смартфонларини тақдим этиши мумкин. Бу эса худди iPhone 5 ва iPhone 5s смартфонлари тақдим этилгани каби бўлади. Кейинги йилда Apple 4 дюйм дисплейли смартфон тақдим эца, у нисбатан қуйи хусусиятларга эга iPhone 5c смартфони каби бўлиши мумкин.

Шунингдек, «Пароль» нашрида қуйидаги мақолаларни ҳам ўқишингиз мумкин:

• 2015 йилнинг биринчи ярмида тақдим этилиши кутилаётган энг яхши смартфонлар еттилиги;
• Apple iPhone 6 смартфони 2014 йилда Yahoo’дан энг кўп изланган сўзлар ўнлигидан ўрин олди;
• Apple iPhone смартфонларини ерга тушиб кетганда ҳосил бўладиган ёриқлардан ҳимоялаш учун патент олди.