Интернет саҳифаларининг қисқартирилган линкларини кенгайтириб берувчи Unshort.me номли сайт ишга туширилди. Бу ҳақда Lifehacker.com хабар берди, деб ёзади «Пароль» нашри.
Ҳозирда Google’нинг goo.gl, Tiny URL’нинг bit.ly, Facebook’нинг fb.me, Twitter’нинг t.co ва бошқа шу каби линкларни қисқартириб берувчи хизматлар мавжуд. Unshort.me сайти эса ушбу қисқартирилган линкларнинг тўлиқ кўринишини намойиш қилади ва сиз шунда қайси сайт ёки манбани очаётганингизни билишингиз мумкин бўлади.
Сайт кўриниши содда ва унда линкларни киритиш учун жой ҳамда Unshorten — «кенгайтирилган» тугмаси мавжуд. Бунда қисқа линкни махсус жойга киритасиз ва Unshorten тугмасини босиб, унинг кенгайтирилган кўринишига эга бўласиз.
Изоҳ (0)