Ўзбекистон Республикаси Вазирлар Маҳкамаси 26 ноябрь куни БМТ Озиқ-овқат ва қишлоқ хўжалиги ташкилоти (ФАО)нинг Ўзбекистондаги ваколатхонаси фаолиятини ташкил этиш бўйича чора-тадбирлар тўғрисида қарор қабул қилди (pdf).
2014 йил 5 июнь куни Ўзбекистон ҳукумати ва ФАО ўртасида Ўзбекистонда ФАО ваколатхонасини таъсис этиш тўғрисида битим имзоланган эди. Унга кўра, Ўзбекистон ҳукумати ФАО ваколатхонаси учун бино ажратиб, таъминот билан боғлиқ барча харажатларни, жумладан хизмат кўрсатувчи ходимларга кетадиган харажатларни молиялаштиришни ўз бўйнига олади.
Қарорга мувофиқ, ушбу харажатлар Қишлоқ ва сув хўжалиги вазирлиги томонидан сара пахта уруғлиги учун устама пулни тўлашга ажратиладиган маблағлар ҳисобидан қопланади.
Изоҳ (0)