АҚШнинг Калифорния штатида 550 мегаватт қувватга эга бўлган Topaz Solar Farm қуёш электр станцияси ишга тушди, деб хабар бермоқда «Кун».
Бу станциянинг қуёш нурларини ютувчи пластиналари 25 квадрат километр майдонни эгаллайди. Таққослаш учун, Россиядаги Белояр атом электр станцияси бироз кўпроқ — 600 мегаватт, энг кучли қуёш электр станцияси эса бор-йўғи 5 мегаватт энергия ишлаб чиқаради.
Топаз ҳудуддаги 160 мингдан ортиқроқ хонадон ва ишлаб чиқариш корхоналарини электр энергияси билан таъминлайди. Қурилишнинг нархи 2,5 миллиард долларни ташкил этди.
Бироқ Topaz Solar Farm дунёда етакчиликни кўп сақлай олмайди: АҚШда кейинги йилнинг ўрталарида Topaz’дан кучлироқ бўлган яна бир электр станцияси ишга туширилиши кутилмоқда.
Topaz’нинг ишга туширилиши атмосферага ҳар йили камида 380 минг тонна карбонат ангидрид гази чиқишининг қисқаришига, бунинг натижасида глобал исиб кетиш жараёнининг секинлашиши ва ҳудуддаги экологиянинг яхшиланишига ёрдам беради.
Изоҳ (0)