Тошкент вилояти Ўрта Чирчиқ тумани Ўртасарой посёлкаси манзилида жойлашган 99-сон ҳарбий шаҳарчаси негизида қуриладиган замонавий ўқ отиш спорти комплекси энг юқори талабларга, жумладан халқаро даражадаги мусобақаларни ўтказиш бўйича шартларга жавоб беради. Бу ҳақда Ўзбекистон Ўқ отиш спорти федерацияси ижро директори Фанис Аҳмедовга таяниб, Uzbekistan Today хабар берди.
Комплексда стендлар ва тирлардан ташқари, бассейнлар, умумий овқатланиш пунктлари, спортчилар ва бошқа жойдан келган мутахассислар учун меҳмонхона жойлашади.
Эслатиб ўтамиз, «Замонавий ўқ отиш спорти комплексини қуриш» лойиҳаси Вазирлар маҳкамасининг 2013 йил октябридаги ўқ отиш спортини ривожлантириш чора-тадбирлари тўғрисидаги қарорига мувофиқ амалга оширилмоқда.
Изоҳ (0)