Энг йирик алоқа оператори Beeline сентябрь ойида бошланган акция 2014 йилнинг сўнгига қадар давом этишини хабар бермоқда. Унинг шартларига кўра, 3G смартфон ва планшет харид қилган ва мослама сотилган савдо нуқтасида тўлдирилган муҳрли кафолат талонига эга ҳар бир харидор олти ой давомида интернет бонусларни қўлга кирита олади.
Ушбу акция доирасида исталган ишлаб чиқарувчиларнинг 3G-девайслари харидорларига ярим йил мобайнида 100 Мб интернет тақдим этилади. Samsung компаниясининг 3G-мосламасини харид қилганларга эса биринчи ой 300 Мб, қолган беш ой давомида эса 150 Мб интернет тақдим этилади.
«Мамлакатимизнинг инновацион ривожланишини қўллаб-қувватлашдан мамнунмиз. Навбатдаги акциямизда ички бозоримизда акция бошланган вақтдан бошлаб планшет ёки смартфон харид қилган Ўзбекистоннинг барча ҳудудларидаги аҳоли иштирок эта олади», — деди Unitel’нинг тижорат директори Максим Ефремов.
Мосламани харид қилаётганда сотувчи тўлдирилган муҳрли кафолат чеки ва харид учун чекни тақдим қилиши даркор. Айнан шу ҳужжатлар Андижон, Бухоро, Гулистон, Жиззах, Қарши, Қўқон, Навоий, Наманган, Нукус, Сирдарё, Самарқанд, Тошкент, Термиз, Урганч ва Фарғона шаҳарларининг йирик савдо марказларида жойлашган промо-нуқталарда махсус кафолатли Beeline купонини қўлга киритишга ёрдам беради.
Beeline купонлари орқали компаниянинг расмий офисларига мурожаат қилиш орқали айни дамда мавжуд бўлган ёки янги рақамга интернет-бонусларни 2015 йилнинг 15 январига қадар қўлга киритиш мумкин.
Тафсилотлар, шунингдек савдо нуқталари ва офисларнинг манзиллари билан Beeline.uz сайтида танишишингиз мумкин.
Изоҳ (0)