Навоий вилоятининг Томди туманида аҳоли ташаббуси билан янги жомеъ масжиди қурилди

Навоий вилояти Томди тумани маркази — Янги Томдида аҳоли ташаббуси ва ҳомийлик йўли билан жомеъ масжиди қуриб битказилди. Ўтган ҳафтанинг жума куни мазкур масжиднинг очилиш маросими бўлиб ўтди, деб хабар бермоқда «Дўстлик байроғи» газетаси.

Маросимда иштирок этган­лар янги иншоотнинг барпо этилиши халқимизга хос бағ­рикенглик, саховатпешалик ва беқиёс бунёдкорлик фазила­ти­нинг ифодаси эканлигини алоҳида таъкидладилар.

«Шу пайтгача ҳудудимизда масжид йўқ эди. Фуқароларимизнинг орзу-интилишлари, эзгу ниятлари­ни ўзида мужассам этган бу қадамжо маънавиятимизни янада юксалтириш, ёшлар­ни миллий қадриятлари­миз­га ҳурмат руҳида тарбиялаш­га хизмат қилади», — деди «Ма­ҳалла» хайрия жамоат фон­дининг Томди туман бў­лин­маси раиси Д. Кетебаев.

Хабарда айтилишича, янги масжид томдиликлар­нинг Ўзбекистон Республи­каси Конституцияси кунига му­но­сиб туҳфаси бўлган.