Гўзаллик танлови ғолибаси беш йил ичида таниб бўлмас даражада қариб қолди
2009 йилда «Орегон гўзали» унвонини олган 28 ёшли америкалик Жейми Линн Франс бир неча йил ичида таниб бўлмас даражада ўзгариб кетди, деб хабар бермоқда «Вести.ru». У метамфетамин номли наркотик модда истеъмолига боғланиб қолгани аниқланган.
Полиция Франсни аксилнаркотик рейд давомида қўлга олган. У наркотик моддалар савдоси билан шуғулланувчи эркак билан учрашиб юрган. Савдогар Франс билан хиёнат қилиб юрган вақтда унинг 33 ёшли хотини тўғридан-тўғри ўз уйидан наркотик сотган. Ҳозир уларнинг учаласи ҳам ҳибсда сақланмоқда.
Расмийлар Франсни 30 минг доллар, эр-хотинларни эса мос равишда 415 минг ва 195 минг долларлик гаров пули эвазига қўйиб юборишга тайёр. Полиция беш йил ичида қариб қолган қизнинг расмини аҳолига наркотик моддалар истеъмоли қандай оқибатларга олиб келишини кўрсатиш учун эълон қилган.
