Ўзбекистонда долларнинг расмий курси биринчи марта 2400 сўмдан ошди

Ўзбекистон Марказий банки 25 ноябрдан бошлаб хорижий валюталарнинг сўмга нисбатан янги қийматларини белгилади, деб хабар бермоқда «Кун».

Унга кўра, доллар курси ўтган ҳафтадаги кўрсаткич (2396 сўм 78 тийин)га нисбатан 4,3 сўмга қимматлашиб, 2401 сўм 9 тийинни ташкил этмоқда.

«Gazeta.uz»нинг қайд этишича, йил бошидан (2202,2 сўм бўлганидан) бери АҚШ доллари Ўзбекистон миллий валютасига нисбатан қарийб 200 сўм ёки 9 фоизга қимматлашди. Бутун бир 2013 йил давомида доллар сўмга нисбатан 10,91 фоиз қимматлашган эди.

25 ноябрдан 1 евронинг қиймати 2993 сўм 27 тийин (12,71 тийинга арзонлашган), Россия рубли эса 52 сўм 43 тийин (1,86 тийинга қимматлашган) этиб белгиланган.