Ўзбекистон самбочилари Японияда ўтказилган жаҳон чемпионатининг бронза медалини қўлга киритди

Япониянинг Нарита шаҳрида самбо бўйича жаҳон чемпионати якунига етди. Ўзбекистон терма жамоасининг уч нафар аъзоси — Давлатжон Ҳамроев (62 кг), Айюбхон Камолов (68 кг) ҳамда Сардор Шовриқов (90 кг) мусобақанинг сўнгги кунида ўтказилган баҳсларда бронза медалига сазовор бўлди, деб хабар бермоқда «Olamsport».

Бир кун аввал 82 кг вазн тоифасида гиламга чиққан Санжар Неъматов ҳам бронза медалини қўлга киритган эди.

Мусобақанинг илк куни, яъни 21 ноябрь куни Ўзбекистон терма жамоаси аъзоларидан Шавкат Жўраев (52 кг), Фурқат Рўзиев (74 кг) ҳамда Исломжон Азимов (100 кг) ҳам бронза медали билан тақдирланган эди.