Россиянинг ядровий хавфсизлик бўйича саммитда қатнашишдан бош тортиши АҚШ билан муносабатларига боғлиқ эмаслиги маълум қилинди

Россиянинг 2016 йилда АҚШда бўлиб ўтадиган ядровий хавфсизлик бўйича саммитда иштирок этишдан бош тортиши Москва ва Вашингтон ўртасидаги муносабатларнинг ҳозирги аҳволига боғлиқ эмас. Бу ҳақда Россия ташқи ишлар вазири ўринбосари Сергей Рябков маълум қилди, деб хабар бермоқда ТАСС.

«Бу қарорнинг сабабалари етарлича маълум қилинди, менда бунга қўшимча йўқ. Биз ушбу саммитнинг кун тартибини бутунлай кўриб тугатилган деб ҳисоблаймиз. Ушбу қарор бизнинг АҚШ билан муносабатларимизнинг аҳволига умуман боғлиқ эмас», − деди Рябков ядро қуролини тарқатмаслик бўйича ўтказилган халқаро конференцияда.

Шунингдек, Россия ташқи ишлар вазирининг ўринбосар Вашингтон конференция ишлари тўғрисида Москвани хабардор қилиб туришига умид билдирди.