Россия 2015 йилда ҳам Украина АЭСларига ядро ёқилғисини етказиб беради

Россия Украина атом электр станцияларига 2015 йилда ядро ёқилғисини етказиб бериш учун шартнома имзолади. Бу ҳақда «Росатом» давлат корпорацияси бош директори Сергей Кириенкога асосланиб «РИА Новости» хабар берди.

«Украина атом электр станцияларига 2015 йилда ядро ёқилғисини етказиб бериш учун шартнома тузилди», - деди Кириенко Москва муҳандислик-физика институти талабалари қаршисида қилган чиқишида.

Унинг сўзларига кўра, Украина АЭСларига ядро ёқилғиси етказиб бериш белгиланган график бўйича кетмоқда ва ҳаракат бирор марта ҳам бузилмаган.