Москвадаги Қозон вокзали портлаш хавфи туфайли эвакуация қилинди

Москва марказидаги Қозон вокзалидан 1000дан ортиқ одам бомба ҳақидаги хабар туфайли эвакуация қилинди, деб хабар бермоқда «РИА Новости».

Ҳуқуқни муҳофаза қилиш органлари берган хабарга кўра, ҳозирда вокзал биноси текширилмоқда. Фавқулодда ҳолат поездлар жадвалига таъсир кўрсатмагани айтилган.

Маълумот учун, Қозон вокзали Москванинг тўққизта темир йўл вокзалларидан бири бўлиб, Москва темир йўлларининг Қозон ва Рязан йўналишлари бошланиш нуқтаси ҳисобланади.