Ислом Каримов Қозоғистонга ташриф буюради

24—25 ноябрь кунлари Ўзбекистон Республикаси Президенти Ислом Каримов Қозоғистон Республикасига расмий ташриф билан боради, дея хабар бермоқда «Газета.uz» Қозоғистоннинг Тошкентдаги элчиси Бўрибой Жексембиннинг «Казинформ»га берган интервьюсига таяниб.

Ташриф давомида икки давлат раҳбарлари қатор халқаро ва минтақавий масалаларни муҳокама қилади.

Қозоғистон Президенти Нурсултон Назарбоевнинг 2013 йил июнида Тошкентга расмий ташрифи, шунингдек икки давлат расмий вакилларининг турли даражадаги сўнгги учрашувлари давомида эришилган келишувлар натижаси сифатида қатор икки томонлама ҳужжатлар имзоланиши режалаштирилмоқда.