Ўзбекистонда энг яхши ўқитувчиларнинг дарслари видеотасмага ёзиб олинмоқда

Ўзбекистондаги энг яхши ўқитувчиларнинг дарслари видеотасмага ёзиб олинмоқда ва мактаблар бўйлаб тарқатилмоқда, деб хабар беради Uzbekistan Today ахборот агентлиги.

Халқ таълими вазирлиги замонавий технологиялар ёрдамидаги «очиқ дарслар»га қатнашув даражасини кенгайтиришга қарор қилди. Бунинг учун «Йилнинг энг яхши фан-ўқитувчиси» танловининг натижалари юзасидан аниқланган 18 та фан бўйича тажрибали мутахассисларнинг намунали дарсларини тасмага ёзиб олиш таклиф этилди.

Республика таълим маркази томонидан мактаб дастурларининг 56 та мавзуси ишлаб чиқишга тавсия берилди. Улар болаларнинг билимларни ўзлаштириши ва идрок этишидаги мураккабликларни бартараф этишга мўлжалланган дарс материалларидир.

«Сўнгги йилларда мактабларда таълим бериш сифатини ошириш учун мураббийларнинг методик қўллаб-қувватлашини такомиллаштиришга катта эътибор қаратилмоқда», — деди Республика таълим маркази директорининг ўринбосари Меҳринисо Дониёрова.

Ўзбекистон Республикаси Халқ таълими вазирлигининг расмий порталида ўқитувчилар учун тўққизта видеодарс аллақачон жойлаштирилган.