Россиядаги «Внуково» аэропортида Falcon самолётининг ҳалокатга учраши билан боғлиқ жиноий иш бўйича яна бир кишига айблов эълон қилинди, дея хабар бермоқда Gazeta.ru Тергов қўмитаси матбуот хизматига таяниб.
Аэропорт диспетчери Александр Кругловга Россия Федерацияси Жиноят кодексининг 263-моддаси 3-банди (ҳаракат хавфсизлиги ва ҳаво транспортидан фойдаланиш қоидаларини бузиб, икки ёки ундан ортиқ шахснинг ўлимини келтириб чиқариш)да кўзда тутилган жиноятларни содир қилиш бўйича айблов қўйилди.
Круглов айбланувчи сифатида тергов қилинди. У айни пайтда ҳибсда сақланмоқда.
Эслатиб ўтамиз, 29 октябрь куни стажёр диспетчер Светлана Кривсунга нисбатан худди шундай айблов эълон қилинган эди.
21 октябрга ўтар кечаси Москва—Париж рейси бўйича парвоз қилмоқчи бўлган тўрт ўринли Falcon самолёти махсус техника машинасига урилиб, ёниб кетди ва учиш-қўниш йўлагига қулаб тушди. Самолёт бутунлай ёниб кетди, ундаги одамларни қутқариб қолиш иложи бўлмади. Ҳалокат натижасида Франциянинг Total нефть компанияси раҳбари Кристоф де Маржери ва уч нафар экипаж аъзоси нобуд бўлди.
Изоҳ (0)