«Ўзбекэнерго» давлат акциядорлик компанияси Самарқанд вилоятида фотоэлектрик станция қуриш бўйича тендер эълон қилди, деб ёзади Gazeta.uz.
Тендер маҳкамланган қия бурчакли панелли кристалл фотоэлектрик элементлар базасида қуввати 100 МВт электростанцияни қуриб, тайёр ҳолда топшириш учун эълон қилинди. Танловнинг бошланғич нархи маълум қилинмаяпти. Тендер таклифлари 19 декабргача қабул қилинади, танлов якунлари эса 2015 йилнинг биринчи чорагида чиқарилиши режалаштирилган.
Аввалроқ «Ўзбекэнерго» 2019 йил баҳоригача қуввати 100 МВт бўлган, йилига 200 миллион кВт/с электр энергияси ишлаб чиқарадиган Марказий Осиёда биринчи қуёш станциясини қуриши ҳақида хабар берилган эди. Умумий қиймати 310 миллион долларлик лойиҳа Осиё тараққиёт банкининг 110 миллион доллар ҳажмидаги кредити, шунингдек Ўзбекистон Тикланиш ва тараққиёт жамғармаси ҳамда «Ўзбекэнерго» маблағлари ҳисобидан молиялаштирилади.
Изоҳ (0)