АҚШлик Мелисса Васкес бошқариб кетаётган автомобиль Калифорниянинг Гамилтон тоғи ҳудудида 150 метр чуқурликдаги жарликка қулаб кетди. Бу ҳақда ABC 7 га таянган ҳолда Hi-tech.mail.ru хабар бермоқда.
Тунда қизнинг ўгай онаси унинг узоқ вақт уйда йўқ эканлигидан ҳавотир ола бошлайди, қизи эса қўнғироқларга жавоб бермасди. Қизнинг онаси полицияга мурожаат қилганида, авариядан сўнг OnStar борт тизими йўл-транспорт ҳодисаси рўй бергани ҳақида хабар берганлиги аниқланди, аммо полиция автомобилни топа олмади. Чунки тизим орқали аниқланган координата умуман бошқа жойга олиб борган.
Камтар ва топқир полиция офицери Дэвид Кэмерон қизнинг уйида iPad борлигини кўргач, вазиятни тўғри баҳолаб, қизнинг iPhoneдан фойдаланишини аниқлади. Дэвид паролни учинчи уринишдан топди. У одамлар кўпинча фойдаланадиган рақамлар комбинациясидан бири бўлиб чиқди.
«iPhone’ни топиш» (Find My iPhone) хизмати туфайли жарга қулаган машина топилди ва 20 дақиқадан сўнг қизни қутқаришга вертолёт учиб кетди. Ҳайдовчи Васкес тирик ҳолда топилди, аммо унинг оёқлари жиддий жароҳатланган бўлган.
Маълум қилинишича, қиз топилганда ҳалокат содир бўлганига 17 соат бўлган ва озгина кечикиш ҳам қизнинг ўлимига олиб келиши мумкин эди.
Изоҳ (0)