Куни кеча Мудофаа вазирлиги Маънавият ва маърифат марказида Ўқитувчи ва мураббийлар кунига бағишланган тадбир бўлиб ўтди. Тадбир ҳар галгидан бошқачароқ тарзда бошланди: байрам дастуридан аввал марказдаги тўгараклар фаолиятини кўрсатувчи «Қизиқишлар кўргазмаси» ўтказилди.

Байрам дастурида марказ раҳбари, подполковник Д. Ш. Аблаев сўзга чиқиб, шу даргоҳда фаолият юритаётган тўгарак раҳбарлари, мураббийларни байрам билан қутлади ва уларга ўз миннатдорчилигини изҳор этди. Шунингдек, у Маънавият ва маърифат марказининг ҳар томонлама юксалишида уларнинг алоҳида ўрни ва ҳиссаси борлигини таъкидлади ва мураббийларга улкан зафарлар тилади.

Шундан сўнг, тадбирнинг бадиий қисми бошланди. Унда Мудофаа вазирлиги Марказий ашула ва рақс ансамбли хонанда ва раққосалари, марказда фаолият юритаётган «Авива», «Жемчужина», рақс дасталари, «Калинушка» славян қўшиқлари ансамбли, шунингдек, «Кимган» корейс рақс дастаси ўз чиқишлари билан йиғилганларни хушнуд этди.

Байрам тадбири қизиқарли ва кўтаринки кайфиятда ўтди.