«Мулоқот» сайтлар тармоғи «Мулоқот юлдузи» номли танловини бошлади. Танлов 2014 йилнинг 23 сентябридан 24 ноябрь, соат 14:00 га қадар давом этади.
Танловда иштирок этиш учун:
- «Мулоқот» ижтимоий тармоғининг Android-дастурини Google Play’дан юклаб олинг;
- Унга қизиқарли суратингизни жойланг
- ва «юлдуз»лар тўпланг!
Танловда иштирок этиш шартлари билан қуйида танишишингиз мумкин:
- Танловда фақат муаллиф ўзи олган суратлар иштирок этади. Муаллифдан ўзга кишилар томонидан олинган суратлар танловда иштирок этишига йўл қўйилмайди;
- Бир аъзо бир неча сурат жойлаши мумкин, аммо унинг битта — энг кўп «юлдуз» тўплаган сурати танловда иштирок этади;
- Танловда Ўзбекистон қонунлари ва одоб-аҳлоқ нормаларига зид суратлар иштирок этиши тақиқланади. Бунда суратлар жойланган тақдирда сурат ўчириб ташланади ва аъзо танловдан четлатилади;
- Танлов иштирокчиси «Мулоқот»да ўз асл исми ва фамилиясини кўрсатиши шарт. Асл исм-фамилиясини кўрсатмаган иштирокчилар танловдан четлатилади;
- Танловда бир паспорт эгаси фақат битта профил билан қанташиши мумкин;
- Танлов ғолибига айланган аъзолар «Мулоқот» ижтимоий тармоғи орқали огоҳлантирилади. Танлов тақдирлаш маросимида иштирок этмаган ғолиблар танловдан четлатилади;
- Танлов совғаларининг пулли эквиваленти тўланмайди;
- Танлов ташкилотчиси Simple Networking Solutions ҳисобланади;
- Танловда иштирок этган суратлар Ташкилотчи мулки ҳисобланади ва Ташкилотчи суратдан исталганча фойдаланиш ҳуқуқига эга;
- Ташкилотчи томонидан аввал уюштирилган танловларда ғолиб бўлган кишилар ушбу танловда иштирок этиши тақиқланади;
- Танловда Ташкилотчи ва уларнинг яқин қариндошлари қатнашиши мумкин эмас;
- Танловда иштирок этган аъзо ўз шахсий маълумотларини Ташкилотчи томонидан қайта ишланишга рухсат беради;
- Танловда иштирок этган аъзо автоматик тарзда ушбу қоидаларга розилик билдиради;
- Юқоридаги шартларни бажармаган иштирокчилар танловдан четлатилади.
Танловда иштирок этиш учун қўлланма:
«Мулоқот» ижтимоий тармоғининг мобил дастурини Google Play’дан юклаб олишни унутманг! Танловдаги иштирокингизда омад тилаймиз :)
Ўзгариш: Фойдаланувчиларга қулайлик яратиш мақсадида «Мулоқот юлдузи» танловининг якунланиш вақти 27 октябрдан 24 ноябрь соат 14:00 га кўчирилди.
Изоҳ (0)